बलियो सरकारको कमजोर बजेट : सांसद पुन
काठमाडौं । पूर्व अर्थमन्त्री तथा नेकपा माओवादी केन्द्रका सांसद वर्षमान पुनले सरकारले आशा जगाउने खालको बजेट ल्याउन नसकेको बताएका छन् ।
बिहीबार सरकारले बजेट प्रस्तुत गरेपछि सञ्चारकर्मीसँगको कुराकानीमा उनले अर्थतन्त्रलाई समग्र रूपले चलायमान बनाउने ढङ्गले भन्दा पनि नियमित ढङ्गले बजेट आएको बताए ।
उनले भने,‘अर्थतन्त्रलाई समग्र रूपले चलायमान बनाउने ढङ्गले भन्दा पनि जस्तो छ नियमित गरौँ भन्ने खालको नियमित बजेटको रुपमा आएको छ । बलियो सरकार छ, तर आशा जगाउन सकेन । बलियो बजेट आउनुपर्ने हो त्यस्तो बलियो देखिएन । छरिएर आएको छ ।’
त्यस्तै उनले करको विषयमा भने विद्युतीय गाडीमा निरन्तरता गरेर पर्यावरण संरक्षणका कुराले पनि राम्रो काम भएको धारणा राखे ।
