आइपीएल मेगा अक्सन २०२५ मा मार्की खेलाडीमा रकम वर्षा
काठमाडौं । इन्डियन प्रिमियर लिग आइपीएलका लागि आइतबार भएको मेगा अक्सनमा , पहिलो पटक १२ मार्की खेलाडीहरूका लागि बोली लगाइएको थियो ।
भारतका सात अरू ५ विदेशी खेलाडी थिए। पहिलो बोली अर्शदीप सिंहमा थियो। उनीहरुका लागि दिल्ली, चेन्नई र गुजरातबीच भिडन्त भएको थियो । यसबाहेक ऋषभ पन्त र श्रेयस अय्यरले इतिहास रचेका छन् । उनीहरू २५ करोडभन्दा माथिको आँकडा पार खेलाडी बनेका छन्।
मार्की खेलाडीहरू अक्सनको समयमा पहिले बोलाइएको थियो । यी खेलाडीहरू विश्वव्यापी रूपमा लोकप्रिय छन् र धेरै टोलीहरू तिनीहरूलाई किन्न चाहन्छन्। प्राय: यी खेलाडीहरूले अन्तर्राष्ट्रिय क्रिकेटमा पनि ठूलो प्रभाव जमाएका पनि छन् । आईपीएलको अक्सन अघि, सबै टोलीले बीसीसीआईलाई मेगा अक्सनमा किन्न चाहने खेलाडीहरूको नाम दिन्छन्। ठूला खेलाडीहरू जसलाई अधिकांश टोलीहरू किन्न चाहन्छन्। उनलाई मात्र मार्की खेलाडीको सूचीमा राखिएको हुन्छ ।
जोस बटलर (इंग्ल्याण्ड):
जोस बटलरको बेस प्राइस २ करोड भारु थियो र उनको लागि पञ्जाब किंग्स र गुजरात टाइटन्सबीच प्रतिस्पर्धा थियो। लखनऊ सुपरजायन्ट्स पनि दौडमा सामेल भयो र गुजरातसँगको भिडन्त गर्यो। बटलरलाई गुजरातले १५.७५ करोडमा किन्यो । बटलरलाई राजस्थान रोयल्सले रिलिज गरेको हो ।
बटलर यस पुस्ताका उत्कृष्ट ह्वाइट बल ब्याट्सम्यान मध्येका एक हुन्। उनले ४२७ टी-२० खेलमा ११ हजार ९२९ रन, ८ शतक र ८३ अर्धशतक प्रहार गरेका छन् । उनले इंग्ल्याण्डका लागि कप्तानको रूपमा टी-२० विश्वकप पनि जितेका छन् । बटलरले २०१८ देखि २०२४ सम्म राजस्थान रोयल्स (आरआर) सँगको आफ्नो कार्यकालमा आइपीएल मा आफ्नो प्रभाव जमाएका छन् । सन् २०१८ देखि राजस्थान रोयल्सका लागि, बटलरले ४१.८४ को औसत र १४७.७९ को स्ट्राइक रेटमा ३,०५५ रन बनाएका छन्, जसमा ७ शतक र १८ अर्धशतक समावेश छ। उनको उत्कृष्ट स्कोर १२४ रन हो ।
उनी राजस्थानका लागि अहिलेसम्म तेस्रो सर्वाधिक रन बनाउने खेलाडी हुन् । आईपीएल २०२२ मा, उनी टूर्नामेंटको शीर्ष स्कोरर थिए। उनले १७ खेलमा १४९ को स्ट्राइक रेटमा ८६३ रन बनाए । जसमा चार शतक र चार अर्धशतक समावेश छ । उनको उत्कृष्ट स्कोर ११६ थियो। गत सिजन, बटलरले ११ खेलमा ३९.८८ को औसतमा ३५९ रन बनाएका थिए, जसमा दुई शतक समावेश थियो। बटलरले २०१६-१७ सम्म मुम्बई इन्डियन्स (एमआई) को प्रतिनिधित्व पनि गरे, २४ खेलहरूमा एक अर्धशतक सहित ५२७ रन बनाए। उनले उनीहरूसँगै २०१७ मा उपाधि जितेका थिए।
श्रेयस अय्यर (भारत):
आईपीएल २०२५ को मेगा अक्सनमा श्रेयस अय्यरले २६.७५ करोडको मूल्य पाए । उनलाई पञ्जाब किंग्सले किनेको छ । उनी पञ्चाबको कप्तानीमा देख्न सकिने सम्भावना अत्याधिक छ । उनी आईपीएलको अक्सन इतिहासमा सबैभन्दा महँगो खेलाडी बनेका थिए । तर केहीबेरमै ऋषभ पन्तले उनको कीर्तिमान तोडेका थिए । श्रेयसले मिचेल स्टार्कलाई पछाडि छोडे, जसलाई गत वर्ष कोलकाता नाइट राइडर्सले २४.७५ करोडमा किनेको थियो। तर, पन्तले श्रेयसलाई पछाडि छोडेका छन् ।
पहिले श्रेयसका लागि कोलकाता नाइट राइडर्स र दिल्ली क्यापिटल्सबीच लिने होड सुरु भएको थियो । त्यसपछि कोलकाताले आफ्नो नाम फिर्ता लिएर पञ्जाब किंग्स प्रवेश गरेको थियो । त्यसपछि दिल्ली र पञ्जाबबीच उनीहरूलाई किन्न लडाइँ भयो। यसरी उनले २० करोड र त्यसपछि स्टार्क र २५ करोडको आँकडा पार गरे । यति मात्र होइन उनी आईपीएलको सबैभन्दा महँगा खेलाडी पनि बनेका छन् । अक्सन इतिहासमा उनी पहिलो खेलाडी हुन् जसको लागि २५ करोडभन्दा बढीको बोली प्राप्त भएको थियो। त्यसपछि पन्तमा २५ करोडभन्दा बढीको बोली पनि राखिएको थियो ।
आफ्नो आईपीएल करियरमा अय्यरले ३१.६७ को औसतमा २ हजार ३७५ रन बनाएका छन् । उनको स्ट्राइक रेट १२३.९६ छ र उनले १६ अर्धशतक बनाएका छन्। उनको उत्कृष्ट स्कोर ९६ रन रहेको छ । केकेआरका लागि आफ्नो पछिल्लो सिजनमा, उनले १५ खेलमा ३९.०० को औसत र १४६ भन्दा बढीको स्ट्राइक रेटमा ३५१ रन बनाए। जसमा दुई अर्धशतक समावेश छ ।
ऋषभ पन्त (भारत):
पन्तलाई लखनउ सुपर जायन्ट्सको टोलीले २७ करोडमा किनेको हो । सन् २०१६ पछि पहिलो पटक पन्त दिल्ली बाहेक अन्य टिमबाट खेल्दै देखिएका छन् । पन्त पछिल्लो समय उत्कृष्ट लयमा छन् । गत वर्ष कार दुर्घटनापछि फर्किने क्रममा उनले धेरै रन बनाएका थिए । लखनउको टोलीले उनलाई कप्तान बनाउन सक्छ । यसरी पन्त आईपीएल इतिहासमा सबैभन्दा बढी मूल्यमा बिक्रि हुने खेलाडी बनेका छन् ।
पन्तले आफ्नो आईपीएल करियर २०१६ देखि दिल्ली क्यापिटल्स (डीसी) को प्रतिनिधित्व गर्दै आएका छन्। यस अवधिमा उनले दिल्लीका लागि ११० खेलमा ३५.३१ को औसतमा एक शतक र १८ अर्धशतकसहित ३,२८४ रन बनाएका छन्। उनी २०२१ मा टोलीको कप्तान नियुक्त भएका थिए र सोही सिजनमा आफ्नो टोलीलाई प्लेअफमा पुर्याएका थिए।
पन्त २०२२ मा कार दुर्घटनाको सिकार भएका थिए । उनले यो वर्ष आईपीएलमा पुनरागमन गरेका छन् । पन्त सन् २०२४ मा दिल्लीका लागि सर्वाधिक रन बनाउने खेलाडी बनेका थिए । उनले १३ खेलमा ४०.५४ को औसत र १५५.४० को स्ट्राइक रेटमा ४४६ रन बनाए। जसमा तीन अर्धशतक समावेश छ र उनको उत्कृष्ट स्कोर ८८ नटआउट थियो।
कागिसो रबाडा (दक्षिण अफ्रिका):
दक्षिण अफ्रिकाका कागिसो रबाडाको बेस प्राइस २ करोड थियो । यी बलरलाई गुजरात टाइटन्सले १०.७५ करोडमा किनेको छ । रबाडा यसअघि पञ्जाबबाट खेलेका थिए तर पञ्जाबले रबाडाका लागि आरटीएम प्रयोग गरेनन्। दक्षिण अफ्रिकी फास्ट बलर विश्वकै उत्कृष्टमध्ये एक हुन् । उनले ६५ टी-२० अन्तर्राष्ट्रिय खेलमा ७१ विकेट लिएका छन् । उनी यस वर्षको टी-२० विश्वकपको फाइनलमा पुग्ने दक्षिण अफ्रिकी टोलीका सदस्य थिए र ९ खेलमा १३ विकेट लिएका थिए । रबाडाले विश्वभरका टी-२० लिग र प्रतियोगिता खेलेका छन् र २११ खेलमा २६४ विकेट लिएका छन् ।
रबाडाले आईपीएलमा दिल्ली क्यापिटल्स र पञ्जाब किंग्सको प्रतिनिधित्व गरेका छन् । उनले ८० खेलमा ११७ विकेट लिएका छन् । पञ्जाव सँग २०२२-२०२४ सम्म, उनले ४१ खेलमा ३० विकेट लिए, जबकि दिल्ली बाट २०१७-२०२१ सम्म ७६ खेलमा ५० विकेट लिए। गत सिजन पञ्जाब किंग्सका लागि उनले ११ खेलमा ३३.८१ को औसतमा ११ विकेट लिएका थिए।
अर्शदीप सिंह (भारत):
पञ्जाब किंग्सले फास्ट बलर अर्शदीप सिंहलाई राइट टु म्याच (आरटीएम) कार्ड प्रयोग गरेर १८ करोडमा किनेको छ । अर्शदीपको बिडिङ चेन्नई सुपर किंग्सले सुरु गरेको थियो र उनलाई लिनको लागि सीएसके र दिल्ली क्यापिटल्सबीच केही समय होड नै चलेको थियो। पछि राजस्थान र गुजरात पनि बिडिङमा उत्रिए तर अन्त्यमा सनराइजर्स हैदरावादले १५.७५ करोडमा बोली लगायो। हैदरावादको बोली लाग्ने बित्तिकै पञ्जाबलाई अर्शदीपको लागि आरटीएम प्रयोग गर्ने बारे सोधियो। पञ्जाबले अर्शदीपमा चासो देखायो। त्यसपछि हैदरावादले १८ करोड भारु प्रस्ताव गरेको थियो जसमा पञ्जाब राजी भयो ।
अर्शदीप आफ्नो स्विङ र विकेट लिने क्षमताका लागि परिचित छन्। अर्शदीपले ५९ टी-२० अन्तर्राष्ट्रिय खेलमा भारतको प्रतिनिधित्व गर्दै ९२ विकेट लिएका छन् । उनी टी-२० अन्तर्राष्ट्रियमा भारतका लागि सबैभन्दा सफल फास्ट बलर बनेका छन् र २०२२ मा मात्र डेब्यू गरे पनि सबै समयको दोस्रो-सबैभन्दा बढी विकेट लिने बलर बनेका छन्। यो युवा यो वर्ष भारतको टी-२० विश्व कप विजेता टोलीको प्रमुख सदस्य थियो र आठ खेलमा १२.४७ को औसतमा १७ विकेट लिएर टूर्नामेंटमा संयुक्त रूपमा सबैभन्दा बढी विकेट लिने खेलाडी थियो। अर्शदीपले २०१९ यता ६५ खेलमा पञ्जाब किंग्सको प्रतिनिधित्व गरिसकेका छन्, ७६ विकेट र ५/३२ उत्कृष्ट अंक लिएका छन्। २०२४ मा, उनले १४ खेलमा २६.५८ को औसतमा १९ विकेट लिए।
मिचेल स्टार्क (अष्ट्रेलिया)
मिचेल स्टार्क २ करोडको बेस प्राइस का साथ अक्सनमा प्रवेश गरेका थिए । केकेआरले फेरि उनीहरूका लागि बोली लगाउन थालेको थियो, तर मुम्बई इन्डियन्स पनि दौडमा रह्यो। योसँगै दिल्ली क्यापिटल्स र आरसीबीले पनि स्टार्कलाई लिन इच्छुक देखिएका थिए । अन्ततः दिल्लीले स्टार्कलाई ११.७५ करोडमा किन्यो। पछिल्लो पटक आईपीएलको इतिहासमा सबैभन्दा ठूलो बोली स्टार्कमा लागेको थियो ।
अष्ट्रेलियाका लागि सबै फर्म्याटमा धेरै पटक विश्व च्याम्पियन बनेका स्टार्कलाई यस युगको सबैभन्दा खतरनाक फास्ट बलर मानिन्छ। उनले २८१ खेलमा ६८१ विकेट लिएका छन् । अस्ट्रेलियाका लागि ६५ टी-२० खेलमा २३.८१ को औसतमा ७९ विकेट लिएका छन् । विश्वभर खेलेका १४२ टी-२० खेलमा उनले २०.५९ को औसतमा १९३ विकेट लिएका छन् भने उत्कृष्ट अंक ४/१५ छ ।
२०१४-१५ बाट रोयल च्यालेन्जर्स बैंगलोर (आरसीबी ) सँगको दुई सिजन पछि, स्टार्क २०२४ मा आइपीएल मा सबैभन्दा महँगो खेलाडीको रूपमा फर्किए। कोलकाता नाइट राइडर्स (केकेआर) ले २४.७५ करोडमा किनेको थियो । ‘बिग म्याच प्लेयर’ स्टार्क प्लेअफको समयमा फर्ममा देखिएका थिए । उनले क्वालिफायर-१ र फाइनलमा सनराइजर्स हैदरावाद (एसआरएच) विरुद्ध ३/३४ र २/१४ को उत्कृष्ट स्पेल दिए। उनले १४ खेलमा २६.१२ को औसतमा १७ विकेट लिएर सिजनको अन्त्य गरे। आफ्नो आईपीएल करियरमा स्टार्कले अहिलेसम्म ४१ खेलमा ५१ विकेट लिएका छन् ।
युजवेन्द्र चहल (भारत)
भारतीय टोलीका लेग स्पिनर युजवेन्द्र चहल पुनः अक्सनमा प्रवेश गरे । उनको बेस प्राइस २ करोड रहेको थियो । चहल आईपीएल इतिहासमा सबैभन्दा सफल बलर हुन्। चेन्नाईले चहललाई बिडिङ गर्न थाले पनि अर्को छेउबाट गुजरातले पनि चहलमा चासो देखायो । पञ्जाबले पनि चहललाई लिनको लागि बोली लगायो र त्यो गुजरातसँग भिड्यो। त्यही क्रममा लखनउ पनि उत्रियो। लखनऊ र पञ्जाबबीच चहलको लागि लडाइँ भएको थियो । पञ्जाबले चहलका लागि १४ करोड भारु बोलाउँदा आरसीबी र हैदरावाद पनि अक्सनमा उत्रिएका थिए । त्यसपछि चहललाई लिन हैदरावाद र पञ्जाबबीच प्रतिस्पर्धा भयो । पञ्जाबले चहलका लागि १८ करोड भारुको बोली लगायो र हैदरावाद ब्याक भयो। यसरी चहल आईपीएलको अक्सनमा बिक्रि भएका भारतका सबैभन्दा महँगा स्पिनर बने ।
भारतीय स्पिन लिजेण्ड आईपीएलमा सर्वाधिक विकेट लिने खेलाडी हुन् । आइपीएल मा, चहलले १६० खेलमा २२.४४ को औसतमा २०५ विकेट लिएका छन्, जसमा ५/४० को उत्कृष्ट अंक समावेश छ। उनले ८० टी-२० अन्तर्राष्ट्रिय खेलहरूमा २५.०९ को औसतमा ९६ विकेट लिएका छन्, जसमा उनको उत्कृष्ट प्रदर्शन २५ रनमा छ विकेट हो। यस बाहेक उनले सबै टी-२० मा ३०५ खेलमा ३५४ विकेट लिएका छन्, जुन भारतीय बलरको सबैभन्दा धेरै हो।
चहलले आरसीबीका लागि ११३ खेलमा २२.०३ को औसतमा १३९ विकेट लिए, जसमा ४/२५ को उत्कृष्ट प्रदर्शन समेत समावेश छ। २०२२ मा राजस्थान रोयल्स (आरआर) मा सामेल भएदेखि चहलले टोलीलाई तीन सिजनमा दुई पटक प्लेअफमा पुग्न मद्दत गरेका छन्। उनी आईपीएल इतिहासमा सर्वाधिक विकेट लिने खेलाडी पनि हुन् । उनले १६० खेलमा २२.४४ को औसतमा ५/४४ को उत्कृष्ट प्रदर्शन गर्दै २०५ विकेट लिएका छन् । उनले २०२२ मा पर्पल क्याप जिते, आरआर सँगको आफ्नो पहिलो सिजन, २७ खेलमा १७ विकेट लिए, ५/४० को उत्कृष्ट अंक सहित। २०२४ सिजनमा उनले १८ खेलमा १५ विकेट लिए।
लियाम लिभिङस्टोन (इंग्ल्याण्ड):
लियाम लिभिङस्टोन २ करोडको बेस प्राइस मा मैदानमा उत्रिएका थिए र हैदरावाद र आरसीबीले उनको लागि ओपनिङ बिड गरेका थिए। तर, पछि दिल्लीले पनि लिभिङस्टोनप्रति चासो देखायो । लिभिङस्टोनका लागि दिल्ली र आरसीबीबीच प्रतिस्पर्धा भएको थियो । आरसीबीले लिभिङस्टोनका लागि ८.७५ करोडको सफल बोली लगायो।
टी-२० विश्वकप विजेता अलराउन्डर लियामले ५३ टी-२० अन्तर्राष्ट्रिय खेलहरूमा २७.४० को औसत र लगभग १५२ को स्ट्राइक रेटमा ८७७ रन बनाएका छन्। जसमा एक शतक र दुई अर्धशतक समावेश छ । उनको उपयोगी स्पिन बलिङका कारण आरसीबीले उनलाई किनेको हो । उनले ३२ विकेट लिएका छन् । उनले ४२ बलमा शतक बनाएका छन्, जुन इङ्ल्यान्डका कुनै पनि खेलाडीले बनाएको सबैभन्दा छिटो शतक हो।
लिभिङस्टोनले राजस्थान रोयल्स (आरआर) र पञ्जाब किंग्स (पञ्जाव) बाट खेलेका ३९ खेलमा १६२.४६ को स्ट्राइक रेट र ६ अर्धशतक सहित ९३९ रन बनाएका छन्। उनले ११ विकेट समेत लिएका छन् । उनको उत्कृष्ट पञ्जाबसँग आएको छ, जसले उनलाई २०२२ सिजन अघि ११.५ करोडमा अनुबन्ध गरेको थियो। त्यसपछि उनले १४ खेलमा चार अर्धशतक र १८२.०८ को स्ट्राइक रेटमा ४३७ रन बनाए र १४ खेलमा ६ विकेट लिए। गत सिजन, लिभिङस्टोनले १४२ भन्दा माथिको स्ट्राइक रेट र ३८नटआउट को उत्कृष्ट स्कोरका साथ २२.२० को औसतमा सात खेलहरूमा १११ रन बनाए।
डेभिड मिलर (दक्षिण अफ्रिका):
डेभिड मिलरका लागि गुजरात र आरसीबीबीच भिडन्त भएको थियो । मिलरको बेस प्राइस २ करोड रुपैयाँ थियो । योसँगै दिल्ली क्यापिटल्स पनि दौडमा सामेल भयो। मिलरका लागि दिल्ली र आरसीबीबीच भिडन्त भएको थियो । लखनउ पनि पछि परेन र बोली पनि लगायो। लखनउले मिलरका लागि ७.५० करोड भारु बोली लगायो। गुजरातले मिलरको लागि आटीएम प्रयोग गर्ने मौका पाएको थियो, तर तिनीहरूले त्यसो गरेनन्। यसरी लखनउले मिलरलाई किन्यो।
मिलर टी-२० फिनिशर हुन्। उनलाई दक्षिण अफ्रिकाका लागि सबैभन्दा विस्फोटक आधुनिक ह्वाइट बल खेलाडी मध्ये एक मानिन्छ। उनले प्रोटियाका लागि १२८ खेलमा ३२.५४ को औसतमा २ हजार ४७३ रन बनाएका छन् । यस अवधिमा उनको स्ट्राइक रेट १ सय ४० रहेको छ । जसमा दुई शतक र सात अर्धशतक समावेश छ ।
आईपीएलमा मिलरले पञ्जाब किंग्स, राजस्थान रोयल्स र गुजरात टाइटन्सबाट खेलिसकेका छन्। २०१२ देखि २०१९ सम्म, उनी पञ्जाब किंग्स टीमको एक सदस्य थिए। सन् २०१४ मा पञ्जाब टोली फाइनलमा पुगेको थियो । तर, त्यसपछि उनी केही वर्ष आइपिएलबाट गायब रहे । २०२२ मा, उनी गुजरात टोलीको सदस्य बने र उपाधि जित्नमा महत्वपूर्ण भूमिका खेले।
उनले २०२२ को आईपीएलमा गुजरातका लागि १६ खेलमा दुई अर्धशतकसहित ४८१ रन बनाएका थिए। जीटीका लागि ४१ खेलमा उनले ४५.२४ को औसतमा ९५० रन बनाएका छन् । यस अवधिमा उनले तीन अर्धशतक र १४५.२६ को स्ट्राइक रेट बनाए। गत सिजन, उनले ३५.०० को औसत र १५१ भन्दा बढीको स्ट्राइक रेटमा २१० रन बनाए, जसमा एक अर्धशतक पनि समावेश थियो।
केएल राहुल (भारत):
मार्की खेलाडीका रूपमा केएल राहुल २ करोडको बेस प्राइस मा अक्सनमा प्रवेश गरे। उनीहरूका लागि डिफेन्डिङ च्याम्पियन केकेआरले बोली लगायो र आरसीबी पनि मैदानमा उत्रियो। राहुललाई लिन आरसीबी र केकेआरबीच प्रतिस्पर्धा थियो । दिल्लीले पनि राहुलमा चासो देखायो र केकेआरसँगै बोलीमा सामेल भयो। दिल्लीले राहुलका लागि ११.५० करोडको बोली लगायो तर केकेआर पनि पछि हट्न तयार थिएन। दिल्लीले राहुलका लागि १२ करोडको बोली लगायो तर केकेआर पछि हट्यो । यसैबीच, सीएसके बिडिङमा उत्रियो र राहुलको लागि बिडिङ जारी राख्यो। दिल्लीले १४ करोडको बोली लगायो र लखनउले राहुलको लागि आरटीएम प्रयोग गरेन।
उनी भारतका लागि सबै फर्म्याटमा बहुमुखी ब्याट्सम्यान हुन्। उनले ओपनिङ गर्न सक्छन्, मिडल अर्डरमा ब्याटिङ गर्न सक्छन् र कप्तान पनि । उनी टी-२०आई मा भारतका लागि चौथो सबैभन्दा धेरै रन बनाउने खेलाडी हुन्, ७२ खेलमा ३७.७५ को औसतमा २,२६५ रन बनाए। उनको नाममा २ शतक र २२ अर्धशतक छ ।
२०१३ मा आफ्नो आईपीएल डेब्यू यता १३२ खेलहरूमा, केएलले सनराइजर्स हैदरावाद, रोयल च्यालेन्जर्स बैंगलोर, पञ्जाब किंग्स र लखनउ सुपर जायन्ट्सको प्रतिनिधित्व गरिसकेका छन्, पछिल्ला दुई टोलीको कप्तानी समेत गरेका छन्। उनले १३२ खेलमा ४ हजार ६८३ रन बनाएका छन् भने उनको स्ट्राइक रेट १३४.६१ रहेको छ । यस अवधिमा उनले ४ शतक र ३७ अर्धशतक प्रहार गरे ।
एलएसजीका लागि २०२२ देखि उनले ४१.४७ को औसतमा १४१० रन बनाएका छन्। यस अवधिमा उनको स्ट्राइक रेट १३०.६८ थियो र उनले २ शतक र १० अर्धशतक बनाएका थिए। उनले अहिलेसम्म आईपीएलको उपाधि जितेका छैनन् । गत सिजन १४ खेलमा ३७.१४ को औसत र १३६.१२ को स्ट्राइक रेटमा ५२० रन बनाएका थिए भने चार अर्धशतक बनाएका थिए । उनको उत्कृष्ट स्कोर ८२ रन थियो र उनी सिजनमा सातौं सर्वाधिक रन बनाउने खेलाडी बने।
मोहम्मद शामी (भारत):
फास्ट बलर मोहम्मद शामी मार्की प्लेयरको दोस्रो सेटमा आए । शमीको बेस प्राइस २ करोड भारु थियो र उनलाई लिनको लागि सीएसके र केकेआरबीच प्रतिस्पर्धा भएको थियो । केकेआरले शामीका लागि ८.२५ करोड भारुको बोली लगायो जसपछि सीएसके पछि हट्यो। तर, चेन्नई बाहिरिएपछि लखनउ बोलीमा उत्रियो । तर केकेआरले पनि हार मानेन । केकेआरले ९.७५ करोडको बोली लगायो र लखनउले पछि हट्यो । शमी यसअघि गुजरातबाट खेलेका थिए, तर टाइटन्सले उनको लागि आरटीएम प्रयोग गरेनन्। तर केकेआरले १० करोड भारुमा फिर्ता भयो भने हैदरावादले शमीलाई यही मूल्यमा किनेको थियो ।
भारतीय फास्ट बलरले सबै फर्म्याटमा भारतको प्रतिनिधित्व गरेका छन् । जसमा उनले १८८ खेलमा ४४८ विकेट लिएका छन् । भारतीय जर्सीमा उनको उत्कृष्ट समय गत वर्ष घरेलु मैदानमा भएको ५० ओभरको विश्वकपमा आयो। उनी केवल सात खेलमा २४ विकेट लिएर प्रमुख विकेट लिने खेलाडीको रूपमा उभिए र भारतलाई उपविजेता बनाउन महत्वपूर्ण भूमिका खेलेका थिए।
शामीले आईपीएलमा दिल्ली क्यापिटल्स, पञ्जाब किंग्स, कोलकाता नाइट राइडर्स र गुजरात टाइटन्सबाट खेलिसकेका छन्। उनले ११० खेलमा २६.८६ को औसतमा १२७ विकेट लिएका छन् । जीटी- को २०२३ को उपविजेता सिजनमा शमी पर्पल क्याप होल्डर थिए र टोलीका लागि ४८ खेलमा ३३ को औसतमा २१.०४ विकेट लिएका थिए। यो उनको अन्तिम आईपीएल सिजन पनि हो किनभने उनले खुट्टाको चोटका कारण गत सिजन गुमाएका थिए।
मोहम्मद सिराज (भारत):
गुजरात र सीएसकेले फास्ट बलर मोहम्मद सिराजका लागि प्रारम्भिक बोली लगाए र दुई फ्रान्चाइजीहरू बीच कडा प्रतिस्पर्धा भयो। सिराजको बेस प्राइस २ करोड थियो तर केही समयमै बोली ८ करोड नाघेको थियो । सीएसके पछि परेपछि राजस्थान रोयल्स बिडिङमा उत्रियो। गुजरातले सिराजलाई १२.७५ करोडमा लियो । आरसीबीले सिराजका लागि आरटीएम प्रयोग गरेन।
सिराज भारतका लागि सबै फर्म्याटका बलियो बलर हुन्। उनले ९१ खेलमा १६५ विकेट लिएका छन् । उनी टिमसँगै आईसीसी टी-२० विश्वकप २०२४ को विजेता हुन्। उनले आफ्नो आईपीएल करियर २०१७ मा डेब्यु गरेका थिए । उनले सनराइजर्स हैदरावाद र रोयल च्यालेन्जर्स बैंगलोर (आरसीबी)बाट खेलिसकेका छन्। जसमा उनले ९३ खेलमा ३०.३४ को औसतमा ९३ विकेट लिएका छन् । २०१८ देखि, उनी आरसीबी को गति आक्रमण को एक महत्वपूर्ण भाग भएको छ। यस अवधिमा उनले ८३ खेलमा ८७ विकेट लिएका छन् । गत सिजन उनले १४ खेलमा ३३.०७ को औसतमा १५ विकेट लिएका थिए।
