नेपालले मैत्रीपूर्ण फुटबलमा म्यानमारसँग खेल्ने
काठमाडौँ । अन्तर्राष्ट्रिय मैत्रीपूर्ण फुटबलमा नेपालले आज म्यानमारसँग खेल्दै छ ।
म्यानमारको ङ्याङ्ग रङ्गशालामा नेपाली समय अनुसार दिउँसो सवा ४ बजे खेल सुरु हुने छ ।
विश्वकप २०२६ पहिलो चरणको छनोटको तयारीमा रहेको नेपाली राष्ट्रिय फुटबल टिमले दोस्रो मैत्रीपूर्ण खेलमा घरेलु टिम म्यानमारविरुद्ध प्रतिस्पर्धा गर्न लागेको हो ।
शुक्रवार भएको पहिलो खेल गोलरहित अवस्थामा टुङ्गिएको थियो । उक्त खेलमा अधिकांश समय म्यानमारले पाहुना टोली नेपाललाई दबाबमा राखेको थियो । त्यस खेलमा नेपालका अञ्जन विष्टले पाएको पेनाल्टी मिस गरेका थिए ।
