सुदूरपश्चिम सरकारको नीति तथा कार्यक्रम आज प्रस्तुत हुने
काठमाडौं । सुदूरपश्चिम प्रदेश सरकारले आज(बुधवार) नीति तथा कार्याक्रम ल्याउने भएको छ ।
प्रदेश प्रमुख देवराज जोशीले आर्थिक वर्ष ०८०–८१ को नीति तथा कार्यक्रम प्रदेश सभामा प्रस्तुत गर्नेछन् ।
कार्यक्रमका लागि आज दिउँसो ४ बजे प्रदेश सभाको बैठक बोलाइएको छ ।
त्यसलगतै नीति तथा कार्यक्रमको सन्दर्भमा प्रदेश सांसदबीच छलफल हुनेछ ।
सोही आधारमा प्रदेश सरकारले बजेट बिनियोजन गर्नेछ । प्रदेश सरकारको बजेट जेठको अन्तिम साताभित्रमा आउने छ ।
