पुस १४, २०७९

‘उपहारको फोन र ल्यापटपमा भन्सार अनिवार्य’ खारेज गर : प्रवासी नेपाली मञ्च

पेन्सिलभेनिया, अमेरिका / सत्तारुढ नेकपा एमालेको विदेश स्थित संगठन प्रवासी नेपाली मञ्च,अन्तर्राष्ट्रिय कमिटीले ‘उपहारको फोन र ल्यापटपमा भन्सार अनिवार्य खारेज गर्न माग गरेको छ।

सरकारले विदेशबाट नेपाल जादा एक भन्दा बढी फोनमा भन्सार लगाउने निर्णय गरेको छ। कमिटीका अध्यक्ष सञ्जय थापा र सचिव हेम शेर्पाले बिहिवार संयुक्त विज्ञप्ति जारी गर्दै सरकारको निर्णय प्रति आफुहरुको ध्यानाकर्षण भएको जनाएका हुन्।

‘विदेशमा वर्षौसम्म रगत र पसिना बगाएर आफ्नो जहान परिवारलाई एउटा मोबाईल र छोराछोरी लागि एउटा ल्याउँदा पनि भन्सार लिनु भनेको प्रवासी श्रमजीवी नेपालीहरुमाथिको निर्मम शोषण हो’ विज्ञप्तिमा भनिएको छ।