नेपालभर बिहीबार भेटिए हालसम्मका धेरै सङ्क्रमित
काठमाडौँ / नेपालभर पछिल्लो २४ घण्टामा थप १२ हजार ३३८ जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार २७ हजार ४९७ वटा नमुना परीक्षणमा सो सङ्ख्यामा सङ्क्रमण पुष्टि भएको हो ।
यस्तै, पछिल्लो २४ घण्टामा ६४९जना सङ्क्रमित निको भएका छन् । बिहीबार कोरोनाबाट मृत्यु हुनेको सङ्ख्या ४ रहेको छ ।
काठमाडौँ उपत्यकामा आज ६ हजार ९८१ जना सङ्क्रमित थपिएका छन् जसमध्ये काठमाडौँमा ५००१, ललितपुरमा १ हजार १३० र भक्तपुरमा ८५० जना सङ्क्रमित थपिएका छन् ।
१४ जिल्लामा सक्रिय सङ्क्रमित सङ्ख्या ५०० भन्दा माथि छ भने १४ जिल्लामै सक्रिय सङ्क्रमित सङ्ख्या २०० भन्दा माथि छ ।
सङ्क्रमितको सङ्ख्या उकालो लाग्ने क्रम जारी छ । र यो सङ्ख्या हालसम्मकै धेरै पनि रहेको छ ।
