आहा रारा गोल्ड कप उज्बेकिस्तानको ब्ल्याक बुल्स जित्यो, फाइनलमा नेपाल पुलिस पराजित
पोखरा । आहा रारा पोखरा गोल्डकप फुटबल प्रतियोगिताले नयाँ च्याम्पियन पाएको छ ।
६ पटकको च्याम्पियन नेपाल पुलिस क्लबलाई शनिबार ३–१ ले हराउँदै उज्बेकिस्तानको ब्ल्याक बुल्स एफसीले २४ औँ आहा राराको उपाधि जितेको हो ।
आहा रारा जित्ने ब्ल्याक बुल्स दोस्रो विदेशी टोली बनेको छ । यसअघि २०६२ सालमा पुलिसलाई नै हराएर अफ्रिकन युनाइटेडले उपाधि जितेको थियो ।
पाँच वर्षपछि आहा राराको फाइनलमा पुगेको पुलिस पाँचौँ पटक उपविजेतामा सीमित बनेको हो ।
यसअघि सभापति कप, बुढासुब्बा, भरतपुर गोल्ड कप गरी ३ प्रतियोगितामा लगातार पहिलो खेलबाटै बाहिरिएको पुलिस आहा राराको भने ३ खेल जित्दै फाइनल पुगेको थियो ।
