कोपा अमेरिकामा अर्जेन्टिनाको विजयी शुरुवात
पेन्सिल्भेनिया । अर्जेन्टिनाले कोपा अमेरिकामा विजयी शुरुवात गरेको छ । अमेरिकी समय अनुसार विहीवार राति देखि शुरु भएको ४८औं कोपा अमेरिकाको उद्घाटन खेलमा अर्जेन्टिनाले क्यानडालाई २-० गोल अन्तरले पराजित गर्दै प्रतियोगितामा विजयी शुरुवात गरेको हो ।
अर्जेन्टिनाको जितमा जुलियन अल्भारेज र लाउतारो मार्टिनेजले एक एक गोल गरेका थिए । गोलरहित बराबरीमा पहिलो हाफ सकिएको थियो ।
डिफेन्डिङ च्याम्पियन अर्जेन्टिनाले दुवै गोल दोस्रो हाफमा निकालेको हो ।
खेलको ४९ औं मिनेटमा अल्भारेजले गोल गर्दै अर्जेन्टिनालाई अग्रता दिलाएका थिए । उनले म्याक एलिस्टरको पासमा गोल गरेका हुन् ।
खेलको ८८ औं मिनेटमा अल्भारेजले कप्तान लियोनल मेस्सीको पासमा गोल गरेपछि अर्जेन्टिनाले अग्रता दोब्बर बनायो । त्यसपछि बाँकी समयमा दुवै टिमबाट गोल नभएपछि अन्ततः अर्जेन्टिनाले २-० को जित पक्का गर्न सफल भयो । जितपछि समूह ए मा अर्जेन्टिनाले महत्वपूर्ण ३ अंक हासिल गरेको छ ।
