कालुसिंह स्मृति च्याम्पियनसिपको खेल तालिका सार्वजनिक

ह्यारिसबर्ग, पेन्सिल्भेनिया/ कालुसिंह स्मृति फुटबल च्याम्पियनसिपको खेल तालिका सोमबार  सार्वजनिक गरिएको छ।

भुटानी राष्ट्रिय टिमका सदस्य स्वर्गीय कालुसिंह तामाङको स्मृतिमा सन् २०१७ देखि च्याम्पियनसिप हुँदै आएका छन्।

यस पटकको च्याम्पियनसिप सेप्टेम्बर २० र २१ तारिख ह्यारिसबर्गको स्काइलाइन स्पोर्टस कम्पेल्समा हुँदै छ।

आयोजक समितिका अनुसार यस पटकको च्याम्पियनसिपमा आठ टिमले भाग लिँदै छन्। सहभागी टिमलाई दुई समूहमा विभाजन गरिएको छ।

समूह ए मा एफसी रिभाइभल ह्यारिसबर्ग, ह्यारिसबर्ग एफसी, युबीएससी मिनिसोटा – न्यु योर्क, मिडलाइफ किकर्स ह्यारिसबर्ग रहेका छन्।  

समूह बीमा युनाइटेड भेट्रान्स एफसी मिचिगन – टेनीसी, सिन्सी राइनो सिनसिनाटी ओहायो, कोलम्बस भेट्रान्स ओहायो र पिट्सबर्ग भेट्रान्स पेन्सिल्भेनिया रहेका छन्।

प्रतियोगिताको विजेता टिमले पाँच हजार र दोस्रो हुनेले तीन हजार अमेरिकी डलर नगद, पदक र ट्रफी पाउने छन्।

रनिङ्ग ट्रफी भने लगातार तीन पटक जित्ने टिमले पाउने छन्। यो व्यवस्था गत वर्ष देखि शुरु गरिएको हो।  युबीएससी मिनिसोटा – न्यु योर्क साबिकको विजेता हो।

प्रतियोगिता लिग कम नकआउटका आधारमा हुने छ। समूहबाट दुई टिम सेमिफाइनलमा पुग्ने छन्।

लिग खेल तालिका

पहिलो दिन सेप्टेम्बर २० तारिख

१०:०० बिहान – ह्यारिसबर्ग एफसी एफसी रिभाइभल

११:०५ बिहान – पिट्सबर्ग भेट्रान्स /एस कोलम्बस भेट्रान्स

१२:१० दिउँसो – युबीएससी मिडलाइफ किकर्स

१:१५ दिउँसो – युनाइटेड भेट्रान्स /एस सिन्सी राइनो

२:२० दिउँसो – ह्यारिसबर्ग एफसी/एस युबीएससी

३:२५ दिउँसो – कोलम्बस भेट्रान्स  / सिन्सी राइनो

४:४० दिउँसो – एफसी रिभाइभल्स / मिडलाइफ किकर्स

५:४५ दिउँसो – पिट्सबर्ग भेट्रान्स  / युनाइटेड भेट्रान्स  एफसी

दोस्रो दिन सेप्टेम्बर २१ तारिख लिग खेल तालिका

८:०० बिहान ह्यारिसबर्ग एफसी / मिडलाइफ किकर्स

९:०५ बिहान सिन्सी राइनो / पिट्सबर्ग भेट्रान्स 

१०:१० बिहान एफसी रिभाइभल / युबीएससी

११:१५ बिहान कोलम्बस भेट्रान्स  / युनाइटेड भेट्रान्स एफसी

सेमिफाइनल (दिउँसो १ बजेदेखि ३:२० बजेसम्म)

पहिलो स्थान पूल ए विरुद्ध दोस्रो स्थान पूल बी

पहिलो स्थान पूल बी विरुद्ध दोस्रो स्थान पूल ए

फाइनल

अपराह्न ४:३० बजे सुरु हुन्छ