पेन्सिल्भेनिया ल्यानक्यास्टर निवासी नेपाली भाषी भुटानी ओहायोबाट बेपत्ता

ह्यारिसबर्ग, पेन्सिल्भेनिया/ भुट्नीज कम्युनिटी अफ ह्यारिसबर्ग (बीसीएच) ले आफ्नो समुदायको एक व्यक्ति बेपत्ता भएकोले खोजीमा सहयोग गर्न अपिल गरेको छ।

बीसीएचका अध्यक्ष तिलक निरौलाद्वारा सोमवार जारी विज्ञप्ति अनुसार पेन्सिल्भेनियाको ल्यानक्यास्टर निवासी रोहित बराल दश दिन अगाडि देखि ओहायोबाट हराइरहेका छन्।

‘ह्यारिसबर्गको भुटानी समुदायले जनता, मिडिया आउट लेटहरू र निर्वाचित अधिकारीहरूलाई हाम्रो समुदायका एक मूल्यवान सदस्य रोहित बराललाई खोज्न सहयोगको लागि तत्काल अपिल जारी गरिरहेको छ।‘ अध्यक्ष निरौलाद्वारा जारी विज्ञप्तिमा भनिएको छ।

‘रोहित शुक्रबारदेखि हराइरहेका छन्। मे १६, २०२५, क्लिभल्याण्ड, ओहायोबाट। उनलाई अन्तिम पटक लगभग ४:०० बजे आफ्नी बहिनीको निवास १३५४० पाइनभ्यू सिटी, मिडलबर्ग हाइट्स, ओहायोमा देखिएको थियो।‘ विज्ञप्तिमा भनिएको छ।

उनको कार नजिकै उनको व्यक्तिगत सामान र आवश्यक औषधिहरू फेला परेको जनाइएको छ।  

रोहित भुटानको सुरेका हुन्। उनी अमेरिकामा पुनर्वास हुनु अघि गोल धाप शरणार्थी शिविरमा १८ वर्षभन्दा बढी समय बिताएका थिए। उनी र उनको परिवार हाल पेन्सिलभेनियाको ल्यानक्यास्टरमा बसोबास गरिरहेका थिए।

‘स्थानीय अधिकारीहरूसँग बेपत्ता व्यक्तिको रिपोर्ट दर्ता गरिएको छ, र परिवारले उनको खोजी गरिरहेको छ। रोहिणी सम्पर्क व्यक्तिहरूको खोजीमा जागरूकता बढाउन र सहयोग गर्न स्थानीय नेताहरू, अधिकारी समुदायका संस्थाहरूलाई हामी तुरुन्तै मिडिया कभरेज र सहयोगको लागि अनुरोध गर्दछौँ।‘ बीसीएच अध्यक्षको विज्ञप्तिमा भनिएको छ।  

सम्पर्क व्यक्तिहरू

इच्छा अधिकारी – २१६-२३३-७९३

इन्दु बराल – २१६-९७२-७६६०