एनसेल सुपर लिग : झापा र बुटवल बराबरीमा रोकिए
काठमाडौँ । एनसेल सुपर लिगमा झापा एफसी १० खेलाडी समेटिएको बुटवल लुम्बिनीसँग गोल रहित बराबरीमा रोकिएको छ । त्रिपुरेश्वरस्थित दशरथ रंगशालामा आइतबार सम्पन्न खेलमा दुवै टोलीले गोलरहित बराबरी खेलेका हुन् ।
बुटवल लुम्बिनी एफसीका गोलकिपर दीप कार्की नायक बन्दा झापा एफसीले अंक बाँड्दै नेपाल सुपर लिग (एनसेल) सुरुआत गरेको छ ।
झापाले पहिलो हाफमा बुटवल लुम्बिनीलाई निक्कै दबाबमा राखेको थियो । दोस्रो हाफमा बुटवल लुम्बिनी १० खेलाडीमा समेटिएको थियो ।
कप्तान एरिक विष्टले दोहोरो पहेँलो कार्ड बेहोरे। यद्यपि, दीपले लगातार उत्कृष्ट बचाउ गर्दै अंक गुमाउन दिएनन् ।
