गीतकार अधिकारीको रचनामा अमेरिकी गायिका ज्याकलिनको स्वर
पेन्सलभेनिया । गीतकार लोकराज अधिकारीको गीत रचनामा अमेरिकी गायिका ज्याकलिनले नेपाली गीत रेकर्ड गराएकी छन् । आइतवार रेकर्डिङ भएको गीतमा गोबिन्द मधुर आचार्यको सङ्गीत रहेको छ ।
लघु चलचित्रको निर्माणको क्रममा छोटो बसाईका लागि नेपाल आएकी उनले ‘ए कान्छा एउटा कुरा सुनी देउ’ शीर्षकको गीतमा स्वर दिएकी हुन् । नेपाली भाषामा पोख्त नभएतापनि गीतमा भने समस्या नभएको रेकर्डिस्ट कृष्ण पुनले बताए ।
यस गीतमा पर्यटकलाई नेपाली संस्कृति, नेपाली भुभाग, नेपाली खाना, नेपाली पन र नेपालीहरू मन परेको भाव रहेको गीतकार अधिकारीले बताए । संयुक्त राज्य अमेरिकाको टेक्सास निवासी ज्याक्लिन चलचित्रको सेट डिजाइनर र ब्युटिसियन समेत हुन् । उनले रेकर्ड गराएको गीत एक सातामा दर्शक तथा स्रोतमाझ रिलिज गर्ने तयारी गरेको गीतकार अधिकारीले समाजटाइम्सलाई बताएका छन् । नेपालका प्रसिद्ध गीतकार अधिकारीका ‘तिमीले पराई ठानेपछि’, ‘रुपै मोहनी’ ‘बाजा बजाउँदै’ ‘मछु बरु छटपटिमा’ लगाएतका गीतहरु दर्शक स्रोतामाझ लोकप्रिय छन् । गीकार अधिकारीका झण्डै १५० भन्दा बढी गीत रेकर्ड भएका छन् ।
