सीताको निधन भारतीय संचारमाध्यमको प्राथमिकतामा
काठमाडौं । प्रधानमन्त्री पुष्प कमल दाहाल प्रचण्ड पत्नी सीता दाहालको निधनलाई भारतीय संचार माध्यमले प्राथमिकतका साथ छापेका छन् ।
आज विहान ६९ वर्षको उमेरमा सीताको निधन भएको विषयलाई अधिकांस भारतीय अनलाईनले प्राथमिकताका साथ छापेका हुन् । द हिन्दुको अनलाईन संस्करणले, नेपाल प्राइम मिनिष्टर प्रचण्डज् वाईफ सीता पास अवे शीर्षकमा समाचार छापेको छ । त्यस्तै इन्डिया टिभी, जी विजनेश, इन्डिया टुडे, न्युज एटिन, आउटलुक, जागरण, हिन्दुस्तान टाइम्स, द टेलिग्राफ इन्डिया, एएनआईलगायतका सञ्चारमाध्यमको अनलाईन संस्करणमा प्रचण्ड पत्नी सीताको फोटोसहितको समाचार छापेका छन् ।
अधिकासंले सिताको पार्किन्सन जस्तो देखिने दुर्लभ मष्तिक रोगबाट निधन भएको उल्लेख गरेका छन् । त्यस्तै प्रधानमन्त्री प्रचण्डले वितेको १० वर्षमा परिवारका महत्वपूर्ण तीन सदस्य गुमाएको कुरालाई हाइलाइट गरेका छन् ।
