राष्ट्रिय सभा बैठक बस्दै, विनियोजन विधेयक २०८० माथिको छलफलले निरन्तरता पाउने
काठमाडौं । आज राष्ट्रिय सभाको बैठक बोलाइएको छ ।
सोमवार प्रमुख प्रतिपक्षी दल नेकपा एमालेले सदन अवरुद्ध गरेपछि स्थगित बैठक मंगलवार बिहान एघार बजेपछि संघीय संसद भवन नयाँ बानेश्वरमा बस्ने बताइएको छ ।
संघीय संसद सचिवालयका अनुसार, आजको आजको बैठक अवरुद्ध नभए विनियोजन विधेयक २०८० माथि मन्त्रालयगत रुपमा छलफल हुनेछ ।
जसअनुसार स्वास्थ्य तथा जनसंख्या मन्त्रालय, सञ्चार तथा सूचना प्रविधि, परराष्ट्र, ऊर्जा जलस्रोत तथा सिँचाइ, खानेपानी, अर्थ, श्रम रोजगार तथा सामाजिक सुरक्षा, शिक्षा विज्ञान तथा प्रविधि मन्त्रालयको विनियोजन शीर्षकहरूमाथि छलफल हुने कार्यसूची रहेको छ ।
त्यस्तै, कानुन न्याय तथा संसदीय मामिला, कृषि तथा पशुपक्षी विकास, गृह, रक्षा मन्त्रालय, राष्ट्रिय योजना आयोग, प्रधानमन्त्री तथा मन्त्रिपरिषद् कार्यालय, उपराष्ट्रपतिको कार्यालय र राष्ट्रपति कार्यालय अन्तर्गत विनियोजन शीर्षकमाथि छलफल हुने संघीय संसद सचिवालयले उल्लेख गरेको छ ।
