अमेरिकी अर्थतन्त्र सुधारमा ५० वर्ष यताको रेकर्ड राखेको राष्ट्रपति बाइडेनको दाबी

अमेरिका । राष्ट्रपति जो बाइडेनले आफ्नो कार्यकालको पहिलो वर्ष अमेरिकाको पछिल्लो ५० वर्षको इतिहासकै सबै भन्दा बलियो आर्थिक वर्ष रहेको बताएका छन् । उनले अमेरिकाको संकटपूर्ण अर्थतन्त्रलाई यो एक वर्षमा उकासेको  दावी पनि गरेका छन् ।

अमेरिकामा यो वर्ष चरम महङ्गी बढेको र अर्थतन्त्र पनि कमजोर रहेको रिपोर्टहरु आइरहेको समयमा राष्ट्रपति बाइडेनले सामाजिक सञ्जालमा आफ्नो कार्यकालको पहिलो वर्षलाई पाँच दशक कै उत्कृष्ट भनेका हुन ।

‘हामी २०२१ को अन्त्य गर्दैछौं जसलाई एक विश्लेषकले पछिल्लो ५० वर्षमा कुनै पनि राष्ट्रपतिको सबैभन्दा बलियो पहिलो वर्षको आर्थिक ट्रयाक रेकर्डको रूपमा वर्णन गरेका छन्। प्रगतिलाई निरन्तरता दिऔं ।’ बाइडेनले खेलेका छन् ।

राष्ट्रपति बाइडेनले अर्को स्टाटसमा लेखेका छन् ।’करिब एक वर्ष पहिले मैले विरासतमा पाएको अर्थतन्त्र संकटमा मात्रै थिएन – यसले काम गर्ने मानिसहरूका लागि काम गरिरहेको थिएन।’

राष्ट्रपति बाइडेनले अर्थतन्त्र पुननिर्माणका लागि कानुन ल्याएर यो सम्भव भएको दावी समेत गरेका छन् । ‘हामीले त्यसलाई परिवर्तन गर्न मद्दत गर्न अमेरिकी उद्धार योजना र द्विपक्षीय पूर्वाधार कानून पारित गर्यौं।’

उनले अमेरिकी अर्थतन्त्रलाई तलदेखि माथि पुननिर्माण गरिएको बताएका छन् । ‘हामी हाम्रो अर्थतन्त्रलाई तलदेखि माथि र मध्य बाहिरबाट पुनर्निर्माण गर्दैछौं – माथि तल होइन।’

यस्तै राष्ट्रपति बाइडेनले हरेक अमेरिकीलाई सस्तो र उच्च-गतिको इन्टरनेट ल्याइउन लागेको पनि बताएका छन् ।

फोटो राष्ट्रपतिको फेसबुक पेजबाट