ट्रमा सेन्टरमा उपचारका क्रममा ६ जनाको मृत्यु भएको पुष्टि, ५४ को उपचार हुँदै
|
Getting your Trinity Audio player ready...
|
काठमाडौं । जेनजी आन्दोलनका क्रममा घाइते भएको ५४ जना प्रदर्शनकारीहरूको राष्ट्रिय ट्रमा सेन्टरमा उपचार भइरहेको छ ।
सोमबार नयाँ बानेश्वरस्थित संसद् भवन क्षेत्रमा भएको जेनजीहरुको आन्दोलनमा घाइते भएका ५४ जनाको राष्ट्रिय ट्रमा सेन्टरमा उपचार भइरहेको हो ।
५५ जना अस्पताल पुर्याइएको मध्य एक जनाको बाटोमा नै मृत्यु भएको थियो भने ट्रमा सेन्टरमा हाल सम्म ६ जनाको मृत्यु भएको छ ।
घाइतेहरूको नाम र ठेगानासहितको विवरण पनि आएको छ । प्रदर्शनकारीसहित सशस्त्र र नेपाल प्रहरीका थुप्रै कर्मचारी घाइते भएका छन् । उनीहरूको विवरण आउन सकेको छैन ।
घाइतेको अत्यधिक चाप बढेपछि मीन भवन स्थित सिभिल अस्पतालले विभिन्न अस्पतालमा घाइते रिफर गरिरहेको छ ।
